"Stick to Football" подкастининг сўнгги қисмида Гари Невилл "Манчестер Юнайтед" тарихидаги Ралф Рангник бош мураббий бўлган даврга назар ташлади. Собиқ "манкунианлик" ҳимоячи спорт бўлимида маслаҳатчи сифатида қолиши керак бўлган мутахассис нима учун клубдан четлатилганини тушунтирди.

“Улар Ралф Рангникни спорт директори сифатида таклиф қилишди. Aйнан шундай. У жамоани бир неча ой бошқарган ва мавсум охирида спорт директори лавозимига кўтарилиши кутилганди.

Aммо у омма олдида жамоани қайта тиклаш радикал амалга оширилиши кераклигини айтди ва 10 ёки 12 ўйинчидан халос бўлишни, ҳамма нарсани ўзгартиришни хоҳлади.

Кейин Глейзерлар ундан қутулишди, чунки бу уларни қўрқитди. Нима демоқчи эканлигимни биласизми? Қолаверса, унинг айтганлари кўп жиҳатдан адолатли эди", – деди Невилл.