"Stick to Football" podkastining so‘nggi qismida Gari Nevill "Manchester Yunayted" tarixidagi Ralf Rangnik bosh murabbiy bo‘lgan davrga nazar tashladi. Sobiq "mankunianlik" himoyachi sport bo‘limida maslahatchi sifatida qolishi kerak bo‘lgan mutaxassis nima uchun klubdan chetlatilganini tushuntirdi.
“Ular Ralf Rangnikni sport direktori sifatida taklif qilishdi. Aynan shunday. U jamoani bir necha oy boshqargan va mavsum oxirida sport direktori lavozimiga ko‘tarilishi kutilgandi.
Ammo u omma oldida jamoani qayta tiklash radikal amalga oshirilishi kerakligini aytdi va 10 yoki 12 o‘yinchidan xalos bo‘lishni, hamma narsani o‘zgartirishni xohladi.
Keyin Gleyzerlar undan qutulishdi, chunki bu ularni qo‘rqitdi. Nima demoqchi ekanligimni bilasizmi? Qolaversa, uning aytganlari ko‘p jihatdan adolatli edi", – dedi Nevill.
