Дортмунднинг "Боруссия" клуби спорт директори Себастьян Кель Жейдон Санчонинг қайтиши ҳақида фикр билдирди.

Пайшанба куни "асаларилар" Санчони "Манчестер Юнайтед"дан июнь ойи охиригача ижарага олганини эълон қилди.

“Жейдон мутлақо ноёб футболчи ва мен уни яна қора ва сариқ либосларда кўришни интиқлик билан кутаман.

У бу шаҳарни билади, стадионимизни, мухлисларимизни ва клубимизни билади. Гарчи у сўнгги ойларда расмий даражада ўйнамаган бўлса-да, биз унинг тезда ўрнашишига, ажойиб формага киришига ва мавсумдаги мақсадларимизга эришишимиз учун ўз фазилатларидан фойдаланишига ишончимиз комил", - деди Кель "Боруссия Дортмунд" сайтида.