“Страсбург” клуби марказий ҳимоячиси Жерзино Ньямси фаолиятини Москванинг “Локомотив” клубида давом эттириши мумкин.
Бу ҳақда Le Parisien нашри хабар бермоқда.
Манбага кўра, пойтахт клуби "Страсбург" билан 26 ёшли футболчининг трансфери борасида музокаралар олиб бормоқда.
Қайд этилишича, «қизил-яшиллар» аллақачон французга биринчи таклифни юборишган. Такидланишича, Ньямсини “Бёрнли” ва “Шеффилд Юнайтед” ҳам кузатиб бормоқда.
Жорий мавсумда франциялик ҳимоячи Лига 1да 13та ўйинда иштирок этди ва битта сариқ карточка олди.
Ньямсининг "Страсбург" билан амалдаги меҳнат шартномаси 2025 йилнинг ўрталарига қадар амал қилади.
Трансфермаркт портали маълумотларига кўра, футболчининг нархи беш миллион еврога тенг.
