"Ювентус" ҳужумчиси Аркадиуш Милик Италия кубоги баҳсида "Фрозиноне" дарвозасига уч марта йўл топди.
Польшалик ҳужумчи 11-дақиқада пенальтини голга айлантириб ҳисобни очган бўлса, 38 ва 48-дақиқаларда гол уриб, чорак финал баҳсида ҳисобни йирик кўринишга олиб келди. Якунда "Ювентус" 4:0 ҳисобида ғалаба қозонди.
Opta портали хабарига кўра, Милик 18 йил ичида Италия кубогида хет-трик қайд этган биринчи "Ювентус" футболчисига айланди. Буни аввалроқ 2006 йилнинг январида "Фиорентина" дарвозасига 3 та гол урган "бьянконерлар"нинг собиқ ҳужумчиси Алессандро дель Пьеро амалга оширган эди.
