Саудия Арабистонининг “Ал-Иттифоқ” клуби бош мураббийи ва “Ливерпуль” афсонаси Стивен Жеррард "мерсисайдлик" ҳимоячи Жо Гомесни ўз жамоасида кўришни истайди. Бу ҳақда Sky Sports хабар бермоқда.
Эслатиб ўтамиз, ЖеррардСаудия Арабистонида яхши ишламаяпти. Унинг клуби 25 очко жамғарган ҳолда мамлакат чемпионатида атиги саккизинчи ўринда бормоқда. "Ал-Иттифоқ" ўтган йилнинг 28 октябридан бери ғалаба қозона олмаяпти.
Жорий мавсумда Гомес “Ливерпуль” сафида барча расмий мусобақаларда 27 та ўйинда майдонга тушди. Унинг "қизиллар" билан шартномаси 2027 йилнинг 30 июнига қадар мўлжалланган.
