"Боруссия" "Челси"дан ҳимоячи Ян Матсенни ижарага олди.
Дортмунд клуби ижара шартномаси жорий мавсум охиригача амал қилишини маълум қилди. Футболчи чоршанба куни тиббий кўрикдан ўтди. Янги жамоада Ян 22-рақамни эгаллади.
"Челси" Матсеннинг "Боруссия"да мавсум охиригача ижара асосида ўйнашини тасдиқлади ва футболчи кетишдан олдин шартномасини узайтирганини айтди. Энди шартнома 2026 йилгача мўлжалланган.
"Боруссия" мени қўлга киритиш учун кўп иш қилди. Мен клуб ва унинг мухлисларини анчадан бери кузатиб келаман ва 2022 йилнинг кузида жамоани жонли кўриш учун ҳаттоки Манчестердаги Чемпионлар Лигаси ўйинига ҳам ташриф буюрдим.
Энди ижарани ташкил қилишга эришганимиздан жуда хурсандман. Жамоа муваффақияти учун бор кучимни беришга ваъда бераман. Мен "сариқ девор" ни кўришни интиқлик билан кутяпман", деди Матсен.
