"Барселона" вице-президенти Рафа Юсте Жоау Феликснинг жамоадаги ҳолати ҳақида ўз фикрлари билан ўртоқлашди.
Португалиялик форвард бугун Испания Суперкубоги доирасидаги “Осасуна”га қарши ўйинни захира ўриндиғида бошлади.
Миш-мишларга ишонадиган бўлсак, Хави Эрнандес 24 ёшли футболчининг хатти-ҳаракати ва ўйинидан қониқмаяпти.
“Жоау жуда хурсанд, у “Барселона” учун фойдали. Биздек жамоани бошқариш жуда қийин, аммо Хави нима қилаётганини билади. Мураббий барча муҳим ўйинчиларга керакли вақтда порлаш имкониятини беришни талаб қилади.
Ишончим комилки, Феликс клубимизда муваффақиятга эришади", - дея Юстенинг сўзларидан иқтибос келтиради Barca Universal.
