"Спортинг Кристал" ва Перу терма жамоаси ҳужумчиси Жоау Гримальдо қишки трансфер ойнасида Россияга кўчиб ўтиши мумкин.
Metaratings.ru хабарига кўра, форвардга РПЛнинг бир нечта клублари қизиқиш билдирмоқда, бироқ Грималдонинг ҳозирги клуби ўз футболчисини фақат уни сотиш орқали қўйиб юбориш истаги туфайли келишувга эришиш имконияти мураккаблашмоқда.
Футболчи учун мумкин бўлган келишув суммаси беш миллион еврони ташкил этади, бироқ Россия клубларининг номи ошкор этилмаяпти.
Трансфермаркт портали 20 ёшли футболчининг нархини 1,5 миллион еврога баҳоламоқда. Жорий мавсумда у 18 та ўйинда майдонга тушиб, 7 та гол ва иккита голли узатмага муаллифлик қилди.
