"Севилья" янги дарвозабон қидирмоқда.
Todofichajes журналистларининг ёзишича, Aндалусия клуби қизиқишлари орасида жорий мавсумда «Реал»да ижара асосида ўйнаётган «Челси» дарвозабони Кепа Aррисабалага ҳам бор.
Матбуот хабарларига кўра, "қироллик" клуби футболчини "аристократлар"дан сотиб олишни режалаштирмаяпти.
"Севилья" бундан унумли фойдаланиб, ёзги трансфер ойнасида футболчини қўлга киритиш ниятида.
Aррисабалаганинг трансфер нархи 20 миллион евро. 29 ёшли испаниялик дарвозабоннинг "Реал" билан ижара шартномаси шу йилнинг июн ойи охирида тугайди.
