Белгиялик машҳур ярим ҳимоячи Маруан Феллайни профессионал фаолиятини якунлаш ҳақида ўйламоқда.
“Фаолиятимни тугатиш ҳақида ўйлаяпман. Бу фикр аллақачон миямда. Якуний қарор қабул қилиш учун менга бироз вақт керак.
Ҳозир оилам ва дўстларим билан вақт ўтказяпман", - дея 36 ёшли ярим ҳимоячининг сўзларини келтирмоқда Tribal Football.
Феллайни "Стандарт" академиясининг битирувчиси. Европада ярим ҳимоячи "Манчестер Юнайтед" ва "Эвертон"даги ўйинлари билан танилган.
Унинг сўнгги клуби Хитойнинг "Шандонг"и эди. Маруан Белгия терма жамоаси сафида 87та ўйин ўтказиб, 18та гол урган.