"Бавария"нинг ҳужумкор ярим ҳимоячиси Жамол Мусиала жамоасининг "Хоффенхайм" устидан қозонилган йирик ғалабаси ҳақида фикр билдирди.
Германия чемпионатининг 17-туридан ўрин олган учрашув 3:0 ҳисобида мюнхенликлар фойдасига ҳал бўлди.
Мусиала 87 дақиқани майдонда ўтказди ва дубл қайд этди.
"Бу менга жуда ёққан ажойиб ўйин бўлди. Биз кўп тўпга эга бўлдик, яхши қарши прессинг қилдик ва тез-тез тўпни ютиб олдик.
Биз яна бир нечта вазиятлар яратишимиз мумкин эди, аммо ўз дарвозамизни дахлсиз сақлаб қолиш ва уч очкони қўлга киритиш муҳим эди", - дея Мусиаланинг сўзларини келтиради немис гранди расмий сайти.