АПЛ 21-туридан ўрин олган баҳсда "Челси" ўз майдонида "Фулхэм"ни мағлуб этди - 1:0.
Лондонликлар АПЛда кетма-кет учинчи ғалабани қўлга киритишди. Бунгача Маурисио Почеттино шогирдлари “Кристал Пэлас” (2:1) ва “Лутон Таун” (3:2)ни мағлуб этганди.
Бу 2022 йил октябрь ойидан бери биринчи марта содир бўлди. Ўшанда "кўклар" кетма-кет тўртта ўйинда ғалаба қозониб, "Вест Хэм" (2:1), "Кристал Пэлас" (2:1), "Вулверхэмптон" (3:0) ва "Астон Вилла"ни (2:0) мағлуб этишган.
“Фулхэм” устидан қозонилган ғалабадан сўнг “Челси” 31 очко жамғариб, АПЛ турнир жадвалида саккизинчи ўринга кўтарилиб олди.
