Фарғонанинг "Нефтчи" жамоаси янги мавсум учун таркибни кучайтиришда давом этади. Бугун сербиялик тажрибали футболчи Боян Цигер "Нефтчи" билан шартнома имзолади ва янги мавсумда жамоанинг ҳимоя чизиғида ҳаракат қиладиган бўлди.
Маълумот учун, Боян Цигерга Ўзбекистон Суперлигаси бегона эмас. Футболчи 2021-2022 йилги мавсумда Наманганнинг "Навбаҳор" жамоасида фаолият олиб борган. Боян ўтган мавсум Малайзия Премьер-лигаси вакили "Кедах Дарул Аман" клубида ўйнади.
Фаолияти давомида Сербия ва Черногориянинг футбол лигаларида ўйнаган. Цигер Сербия кубоги соҳиби ҳисобланади.
"Аҳил жамоамиз ва жонкуяр мухлисларимиз номидан Боян Цигерга янги мавсумда "Нефтчи"даги фаолиятида омад ва зафарлар тилаб қоламиз!" - дейилади фарғоналикларнинг расмий баёнотида.
