"ПСЖ" раҳбарияти ҳужумчи Килиан Мбаппени жамоада сақлаб қолиш учун ҳужумчи Рандал Коло-Муани ва вингер Усмон Дембеле билан шартнома имзолагани маълум бўлди.
AS нашрининг ёзишича, парижликлар 25 ёшли футболчи учун энг қулай шароитларни яратишга ҳаракат қилмоқда. Шу мақсадда Мбаппенинг яхши дўстлари бўлган Рандал ва Усмон сотиб олинди.
Килианнинг парижликлар билан тузилган шартномаси муддати шу йилнинг ёзигача мўлжалланган. Форварднинг хизматларига "Реал" ва "Ливерпуль" клублари қизиқиш билдирмоқда.
Франция чемпионатининг жорий мавсумида Мбаппе 16 та ўйин ўтказиб, 18 та гол ва 2 та голли узатмага муаллифлик қилган.
