Туриннинг "Ювентус" клуби марказий ҳимоячи Тиаго Джалонинг трансфери борасида "Лилль" билан тўлиқ келишиб олди.
23 ёшли португалиялик тез орада "кекса синьора" билан 2028 йилнинг ёзига қадар шартнома имзолайди. Эътиборли томони, "Лилль" ўз футболчиси учун атиги 4,5 миллион евро олади. Бунга сабаб Джалонинг клуб билан шартномаси жорий мавсум охирида тугайди. Шу сабабдан клуб "Ювентус"га чегирма қилишга мажбур бўлди.
Манбанинг айтишича, Джало чоршанба куни Туринда тиббий кўрикдан ўтади. Шу тариқа, Тиаго "кекса синьора"нинг ушбу трансфер ойнасидаги илк янги футболчисига айланади. Клуб шу ойда янги ярим ҳимоячи сотиб олмоқчи.
