"Ньюкасл" ярим ҳимоячиси Жоэлинтон ўғрилар қурбонига айланди.
Daily Mail нашри хабарига кўра, шанба куни бўлиб ўтган АПЛ доирасидаги "Манчестер Сити"га қарши ўйин вақтида жиноятчилар бразилиялик футболчининг уйига бостириб киришган. Жароҳат олган Жоэлинтон яқинлари билан стадионда эди.
Футболчи хавфсизлик тизимидан огоҳлантириш олган ва полицияга мурожаат қилган. Ҳуқуқ-тартибот идоралари етиб келганида, жиноятчилар уйда йўқ эди.
Эслатиб ўтамиз, "Ньюкасл" ўз майдонида "Манчестер Сити"га 2:3 ҳисобида имкониятни бой берганди. Иккинчи бўлимга қўшиб берилган вақтда Эдди Хау шогирдлари учинчи голни ўтказиб юборди.
