Ярим ҳимоячи Жоау Палиньяда "Бавария"га ўтиш имконияти бор.
Todofichajes хабарига кўра, мюнхенликлар 28 ёшли португалиялик билан қишки трансфер бўйича келишувга эришган.
Бироқ, муаммо бор. Гап шундаки, "Фулхэм" трансферга тўсқинлик қилмоқда - лондонликлар футболчи учун камида 60 миллион евро олишни исташмоқда.
Вазият боши берк кўчага кириб қолган. Манбанинг таъкидлашича, Палинья "Бавария"ни фаолияти учун ажойиб вариант деб ҳисоблайди.
Ҳаммаси мюнхенликларнинг «Фулхэм» билан келишиб олишига боғлиқ.
2023/2024 йилги мавсумда Жоау Палинья 22 та ўйин ўтказиб, иккита гол урди ва шеригига битта голли узатма берди.
