"Манчестер Юнайтед" бош мураббийи Эрик тен Хаг "Тоттенхэм" билан Англия чемпионатининг 21-тур учрашувида (2:2) жамоанинг ҳимоядаги ўйини ҳақида гапирди.
"Ҳимоядан жуда мамнунман, стандартлардан ташқари. Биз унчалик яхши ҳимояланмадик ва битта тўпни дарвоза чизиғидан ўтказиб юбордик. Диого тўпни чизиқда сақлаб қолган эди. Бундай вазиятлардан хабардор бўлиш керак. Биз қаттиқроқ ҳаракат қилишимиз, тўпни тепиб юборишимиз керак.
Иккинчи ҳолат одатий эди. Биз тезкор чиқишлардан хабардормиз ва уларни диагонал равишда ўтишга рухсат берамиз. Битта диагонал узатма билан улар бутун жамоамизни синдиришди ва бундай бўлмаслиги керак", - деди Тен Хаг клуб расмий сайтига.
21-турдан кейин “Манчестер Юнайтед” 32 очко билан АПЛда 7-ўринда бормоқда. Чемпионатда “Ливерпуль” етакчилик қилмоқда (45 очко). Тен Хаг жамоаси жорий мавсумда 29 та гол ўтказиб юборди.
