"Манчестер Юнайтед"нинг собиқ дарвозабони Петер Шмейхель "Тоттенхэм"га (2:2) қарши ўйиндаги дуранг ҳақида ўз фикрлари билан ўртоқлашди.
Расмус Хёйлунд ва Маркус Рэшфорд мос равишда 3 ва 40-дақиқаларда Эрик тен Хаг жамоасини олдинга олиб чиқишган бўлса, "шпорлар"да Ришарлисон (19-дақиқа) ва Родриго Бентанкур (46-дақиқа) ажралиб туришди.
"Манчестер Юнайтед" бу дурангдан хурсанд бўлиши керак, чунки улар бунга лойиқ ҳам эмасди. Иккинчи бўлим шунчаки даҳшатли ўтди - жамоа ечиниш хонасидан ҳеч қачон чиқмагандек туюлди. "Тоттенхэм" яхшироқ ўйнади, кўпроқ имкониятлар яратди ва бошқача натижага лойиқ эди", - дея машҳур собиқ дарвозабоннинг сўзларини келтиради United Stand.
