Дортмунднинг "Боруссия" клуби "Манчестер Юнайтед"дан вингер Жейдон Санчони сотиб ололмаса керак.
Aнглиялик футболчи жорий мавсум охиригача ижара асосида "асаларилар" сафига қўшилди. Дортмунд спорт директори Себастьян Келнинг сўзларига кўра, клуб Санчонинг тўлақонли трансферига қизиқиш билдирса ҳам буни қила олмайди.
"Кейинги ёзда нима бўлишини кўрамиз, аммо Санчонинг кейинги мавсумда Дортмундда ўйнаш имконияти унчалик катта эмас.
Маош бошқа нарса, лекин трансфер пакети бошқа нарса. Aгар Жейдон биз кутгандек ривожланса, янги қарорлар пайдо бўлиши мумкин", - деди Кель.
