Парижликлар бош мураббийи Луис Энрике вингер Брэдли Барколанинг "Ланс"га (2:0) қарши ўйиндаги ҳаракатларини қайд этди.
21 ёшли футболчи якшанба куни бўлиб ўтган Лига 1 ўйинининг 30-дақиқасидаёқ ҳисобни очди. Ўйин охирида Килиан Мбаппе якуний натижани таблога ёздириб қўйди.
“Биз Баркола билан шартнома имзолаганимизда, у буни уддалай олишини билардик. Мен унга тўлиқ ишонаман. У жуда тез, ёш, кучли фазилатлари кўп, кўп нарсага қодир.
Бугун уни тўхтатиб бўлмасди", - деди Энрике.
«ПСЖ» Брэдли Барколани 2023 йилнинг ёзида «Лион»дан 45 миллион евро эвазига сотиб олганди. Парижликлар сафида 22 учрашувда футболчи 2 та гол ва 3 та голли узатмани амалга оширган.