Ҳужумчи Килиан Мбаппе келажаги борасидаги қарорини ҳали "ПСЖ" раҳбарларига маълум қилгани йўқ. Бироқ футболчи аллақачон бир қарорга келган – у Лига 1 гиганти билан шартномасини узайтирмайди ва ёзда клубни тарк этади. Бу ҳақда журналист Абделла Бульма ижтимоий тармоқларда хабар тарқатмоқда.
Қайд этилишича, "ПСЖ" ҳозирда Мбаппенинг ёзда кетишини инобатга олган ҳолда, жимгина келажак учун режалар тузмоқда.
Шунингдек, манба Мбаппе "Реал" билан ҳали ҳеч нарса имзоламаганини хабар қилди. Шу билан бирга, футболчи Мадрид клуби президенти Флорентино Перес билан ҳеч қачон алоқани узмаган. "Лос-Бланкос" ҳозирда 25 ёшли Мбаппедан яшил чироқ ёнишини кутмоқда.
