"Челси" марказий ҳимоячиси Aксель Дисаси мухлисларни жамоанинг сўнгги натижаларига ортиқча баҳо бермасликка чақирди.
Эслатиб ўтамиз, Aнглия премьер-лигасининг сўнгги 5 турида Маурисио Почеттино шогирдлари 4 та ғалабага эришган.
“Кўклар” яқинда турнир жадвалида 9-ўринга кўтарилиб олди.
"Биз сўнгги бешта ўйинда яхши ўйнадик, "Мидлсбро"га қарши Лига кубоги ярим финалидан ташқари, аммо бу ҳозир яхши ишлаяпмиз дегани эмас.
Биз худди шундай руҳда ва тараққиётда давом этишимиз керак. Aгар ҳаммаси шу темпда давом этса, биз учун ҳаммаси ажойиб бўлади", - дея франциялик футболчининг сўзларини келтиради «Челси» расмий сайти.
Эслатиб ўтамиз, Дисаси ўтган ёзда "Монако"дан "Стэмфорд Бриж"га кўчиб ўтганди.
