"ПСЖ" раҳбарияти ҳужумчи Килиан Мбаппе билан янги шартнома имзолаш борасида музокаралар олиб бормоқда.
AS нашрининг хабар беришича, парижликлар 25 ёшли футболчига мавсумига 100 миллион евро маош кафолатлашга тайёр. Эътиборлиси, Мбаппега даъвогарлик қилаётган "Реал" франциялик футболчига йилига 30 миллион тўлашга тайёр.
"Ливерпуль" футболчи учун яна бир даъвогар сифатида кўрилмоқда. Килианнинг "ПСЖ" билан амалдаги шартномаси шу ёзда якунига етади.
Франция чемпионатининг жорий мавсумида Мбаппе 17 та ўйин ўтказди. Ҳужумчи 19 та гол урди ва 3 та голли узатмани амалга оширди.
