ФИФА талқини бўйича ўтган йилнинг энг яхши футболчиси соврини учун овоз беришда «Рома» ҳужумчиси Ромелу Лукаку ҳам четда қолмади. Бельгиялик футболчининг танлови Лионель Месси бўлди ва у якунда совринни қўлга киритди.
Лукакунинг тўлиқ рўйхатига келсак, иккинчи ўринда «ПСЖ» ҳужумчиси Килиан Мбаппе, соврин учун курашда Мессининг асосий рақиби ҳисобланган «Манчестер Сити» ҳужумчиси Эрлинг Холанд кучли учликни ёпди.
Эслатиб ўтамиз, Лукаку жорий мавсумни А Серияда 9-ўринда бораётган «Рома»да ижара асосида ўтказмоқда. Бельгиялик форвард ҳамон Лондоннинг «Челси» клубига тегишли.
