«Манчестер Юнайтед» ярим ҳимоячиси Каземиро кеча йилнинг энг яхши футболчисига топширилган ФИФА "The Best" соврини учун овоз беришда иштирок этди. "Интер Майами" футболчиси Лионель Месси совринни қўлга киритди, аммо Каземиро рўйхатида аргентиналик футболчи иккинчи ўринда эди.
Бразилиялик ўзининг ғолиби сифатида «шаҳарликлар» сафидаги дебют мавсумида кўплаб индивидуал рекордларни ўрнатган, Премьер-лига ва Чемпионлар лигасида энг яхши тўпурарга айланган, шунингдек, жамоаси билан треблни қўлга киритган «Манчестер Сити» ҳужумчиси Эрлинг Холандни танлади. Каземиро учинчи ўринга «ПСЖ» футболчиси Килиан Мбаппени қўйди.
