"Эвертон" молиявий фэйр-плей муаммолари туфайли яқин келажакда ўзининг марказий ҳимоячиси Жерред Брентуэйтни сотишга мажбур бўлиши мумкин.
Talksport нашри хабарига кўра, "Манчестер Юнайтед" вазиятдан унумли фойдаланишга тайёр.
Эслатиб ўтамиз, "Эвертон" жорий мавсумда молиявий фэйр-плей қоидаларини бузгани учун 10 очкодан маҳрум этилганди. Жамоадаги вазият яхшиланмаяпти, шу боис 21 ёшли Брентуэйтни сотиш зарурий чорага айланиши мумкин.
Аввалига "Эвертон" Жерред учун 100 миллион евродан ортиқ талаб қилиши ҳақида миш-мишлар тарқалганди, аммо клуб барибир ён беришлари ва чегирмаларни амалга ошириши мумкин.
