"Барселона"нинг испаниялик ҳимоячиси Серхи Роберто яна бир йил "кўк-анорранглилар" лагерида қолиш учун маошини камайтиришга тайёр, дея хабар беради журналист Aарон Домингес Х ижтимоий тармоғида (собиқ Твиттер).
Манбага кўра, "Барселона" битирувчиси аллақачон клубда энг кам маош олади, бироқ янги шартнома учун Испания Ла Лигасида минимал маош олишга тайёр.
Серхи бутун фаолиятини каталонияликлар сафида ўтказди ва улар учун барча турнирларда жами 361 та ўйин ўтказиб, 19 та гол ва 41 та голли узатмани амалга оширди.
