Бир кун аввал “Рома”дан ҳайдалган португалиялик мураббий Жозе Моуриньо ижтимоий тармоқларда Рим клубини тарк этиши ҳақида гапирди.
"Тер, қон, кўз ёшлар, қувонч, қайғу, севги, биродарлар, тарих, юрак, абадият", деб ёзган Моуриньо.
Эслатиб ўтамиз, португалияликнинг четлатилгани кеча, 16 январ куни маълум бўлди. Италия чемпионатининг 2023/2024-йилги мавсуми 20-туридан сўнг “бўрилар” 29 очко жамғариб, 9-ўринда бормоқда.
Португалиялик Рим клубини 2021 йилнинг ёзида бошқаришни бошлади. 2021/2022 йилги мавсумда "Рома" Конференциялар лигасида ғолиб чиқди.
2022/2023 йилги мавсумда “бўрилар” Европа Лигаси финалига қадар етиб борганди. Португалиялик мутахассис қўл остида "Рома" жами 96та ўйин ўтказди. “Бўрилар” 44 марта ғалаба қозонган, 23 марта дуранг ўйнаган ва 29 ўйинда мағлуб бўлган.
