16-январь, сешанба куни 2023-йил 29-октябрда “Марсель” билан ўйин олдидан қоидабузарлик қилган “Лион”нинг икки мухлиси устидан суд бўлиб ўтди.
Бу ҳақда RMC Sport хабар берди.
"Лион"нинг икки мухлиси нацистик чиқишлар ва ирқчи қўшиқлари учун суд қилинди. Қайд этилишича, прокурор айбланувчига 3 ойлик қамоқ жазоси ва 3 йилга стадионларга боришни тақиқлашни талаб қилган. Қарор қабул қилиш 16 мартга қолдирилди.
Марсель прокуратураси "Лион" футболчилари автобуси тошбўрон қилингани ва бу жараёнда клубнинг ўша пайтдаги бош мураббийи Фабио Гроссо жароҳатлангани ортидан яна иккита суд тергови очган.
