"Манчестер Юнайтед" ёзги трансфер ойнаси учун режаларини якунлади. Бу ҳақда Evening Standard нашри хабар бермоқда. Манбанинг хабар беришича, “қизил иблислар”нинг янги раҳбарияти юқори даражадаги трансфер кампаниясини ўтказишга ҳозирлик кўрмоқда. Манкунианликлар тўртта позицияни мустаҳкамламоқчи.
Клуб ўнг қанот, марказий ҳимоячи, ярим ҳимоячи ва марказий ҳужумчи билан шартнома имзолайди. "Манчестер Юнайтед" Англия Премьер-лигасининг биринчи ярмини омадсиз ўтказди.
Эрик тен Хаг шогирдлари 21 учрашувдан сўнг еттинчи ўринда бормоқда. Пешқадам “Ливерпул”дан фарқ 13 очкони ташкил этади.
