Чап қанот ҳимоячиси Альфонсо Дэвиснинг "Бавария"даги келажаги тез орада ойдинлашади. Инсайдер Кристиан Фалкнинг сўзларига кўра, Макс Эберл директорлар кенгашига келиши билан клуб яна мавжуд вазиятга баҳо беради.
Канадалик ҳимоячининг "Бавария" билан шартномаси 2025 йилнинг ёзида якунига етади. Янги шартнома имзолаш учун 23 ёшли Дэвис йилига 13-14 миллион евро маош талаб қилмоқда, бу футболчи амалдаги шартнома бўйича оладиганидан деярли икки баробар кўп.
Манбанинг хабар беришича, Дэвиснинг агенти бир қанча топ-клублар билан музокаралар олиб бормоқда. Аввалроқ "Реал" канадалик футболчини трансфер қилиш учун фаворит деб аталганди.
