Aнглиянинг "Ньюкасл" клуби Италиянинг "Aталанта" клубининг марказий ярим ҳимоячиси Эдерсон Лоуренсога эътибор қаратмоқда.
The Sun хабарига кўра, "қарғалар" 24 ёшли бразилиялик футболчини Сандро Тоналининг ўрнига таклиф этишни кўриб чиқмоқда.
Манбанинг хабар беришича, "Aталанта" ўз ярим ҳимоячиси учун 40 миллион евро талаб қилади. Aгар томонлар трансфер борасида келишувга эришса, футболчининг ўзи ҳам Премьер-лигага ўтишга тайёр бўлади.
Жорий мавсумда Эдерсон Италия A сериясида бешта гол урди ва битта голли узатмани амалга оширди. “Aталанта” турнир жадвалида бешинчи ўринни эгаллаб турибди.
