"Наполи" "Борнмут" ва Кот-д'Ивуар терма жамоаси ярим ҳимоячиси Хамед Траорени сотиб олди. Бу ҳақда Италия клуби матбуот хизмати хабар берди.
23 ёшли ярим ҳимоячи 6 ойлик ижара эвазига партенопияликлар сафига қўшилди. Бу муддатдан кейин “Наполи” футболчини 25 миллион еврога сотиб олиш имкониятига эга бўлади.
Траоре "Борнмут"да бир йил ўйнади. Жорий мавсумда ярим ҳимоячи барча турнирларда "гилослар" сафида бор йўғи олтита ўйин ўтказиб, битта гол урган. Футболчининг инглиз клуби билан шартномаси 2028 йилнинг июнь ойи охиригача амал қилади. Transfermarkt интернет порталига кўра футболчининг тахминий нархи 18 миллион еврони ташкил қилади.
