Яқин орада ярим ҳимоячи Маттео Политано "Наполи" билан шартномасини узайтиради.
Нуфузли инсайдер Фабрицио Романонинг ижтимоий тармоқларда хабар беришича, 30 ёшли футболчи Италиянинг амалдаги чемпионлари билан янги меҳнат шартномаси бўйича келишиб олган.
Политанонинг "Наполи" билан янги шартномаси 3 мавсумга мўлжалланган. Ярим ҳимоячининг маоши йилига тахминан 2,8-3 миллион еврони ташкил қилади.
Маттео Политано “Наполи” сафида жами 172 та расмий ўйин ўтказган. Уларда ярим ҳимоячи 29 та гол урди ва шерикларига 24 та голли узатмани амалга оширди. “Наполи” ҳозирда A Серия турнир жадвалида 8-ўринда бормоқда.
