Яқинда "Бавария" ярим ҳимоячиси Жошуа Киммихнинг учинчи фарзанди дунёга келди (2019 йилда ўғил, 2020 йилда қиз туғилган). Шу сабабдан 28 ёшли футболчи жума (19 январь) кунига қадар жамоавий машғулотларни ўтказиб юборади. Бу ҳақда Мюнхен клуби бош мураббийи Томас Тухель гапириб ўтди.
“Киммих яна ота бўлди, она-бола соғ-саломат. Киммих жума куни яна жамоа билан машғулот ўтказиши керак", - дея Тухелнинг сўзларидан иқтибос келтиради журналист Максимилиан Кох ўзининг ижтимоий тармоқларида.
Киммих “Бавария”га 2015 йилнинг июлида “Штутгарт”дан келиб қўшилганди. Трансфер суммаси 8,5 миллион еврони ташкил қилди.