Ғузорнинг «Шўртан» шу кунларда бир нечта янги футболчилар билан шартнома тузди. Бу ҳақда клуб расмий сайти хабар тарқатмоқда.

Хабарингиз бор, ўтган мавсум якунланганидан сўнг ьаъзи асосий таркиб футболчилари жамоани тарк этганди. Натижада уларнинг ўрнини тўлдириш мақсадида клуб бош мураббийи Эдгар Гесс янги ўйинчиларни кўрикка чақирди.

Шу пайтгача янги футболчилардан етти нафари «Шўртан» билан 2013 йилги футбол мавсуми учун шартнома тузишди. Бу футболчилар қуйидагилар:

Артурас Фоменко, ҳужумчи. Фуқаролиги – Литва. 14 февраль куни 36 ёшга тўлади. Тошкентнинг «Локомотив» клубидан келди. Ўтган йил олий лигада 21ўйинда майдонга тушиб, 8та гол урган.

Дилявер Абибуллаев, ярим ҳимоячи. Фуқаролиги – Ўзбекистон. 4 март куни 26 ёшга тўлади. Самарқанднинг «Динамо» клубидан келди. Ўтган йил олий лигада 21 ўйинда иштирок этиб, 1та гол урди.

Александр Востриков, ҳужумчи. Фуқаролиги – Ўзбекистон. 28 август куни 29 ёшга тўлади. Тошкент вилоятининг «Олмалиқ» жамоасидан келди. Ўтган йил олийлигада 16 ўйинда майдонга тушиб, 2та гол урди.

Тимур Айзатулов, ярим ҳимоячи. Фуқаролиги – Ўзбекистон. 13 март куни 31 ёшга тўлади. Тошкент вилоятининг «Олмалиқ» жамоасидан келди. Ўтган йил 15ўйинда майдонга тушиб, бирорта ҳам гол ура олмади.

Павел Соломин, ҳужумчи. Фуқаролиги – Ўзбекистон. 15 июнь куни 31 ёшга тўлади. Муборакнинг «Машъал» клубидан келди. Ўтган йил олий лигада 11 ўйинда майдонга тушиб, 5та гол урди.

Шукур Жумабоев, ярим ҳимоячи. Фуқаролиги – Ўзбекистон. 8 март куни 24 ёшга тўлади. Фарғонанинг «Нефтчи» клубидан келди. Ўтган мавсум олий лигада бирорта ҳам ўйинда майдонга тушмади.

Иброҳим Отахонов, ярим ҳимоячи. Фуқаролиги – Ўзбекистон. 21 сентябрь куни 28 ёшга тўлади. Андижоннинг «Андижон» жамоасидан келди. Ўтган йил олий лигада 18 ўйинда қатнашиб, 1та гол урди.