Мадриднинг “Реал” клуби бош мураббийи Карло Анчелотти Саудия Арабистонидан катта таклифини олди.

DeadlineDayLive манбасига таяниб хабар беришича, номи ошкор этилмаган Саудия клуби италиялик мутахассис билан жиддий қизиқиш билдирмоқда. Анчелотти, ўз навбатида, келиб тушган таклиф бўйича ҳали якуний жавоб бермади.

Эслатиб ўтамиз, 64 ёшли мураббий яқинда "қироллик" клуби билан 2026 йилнинг ўрталарига қадар амал қиладиган янги узоқ муддатли меҳнат шартномасини имзолаган эди. Анчелотти 2021 йилнинг июлидан бери "Лос-Бланкос" бош мураббийи лавозимида ишлаб келмоқда.