"Ал-Иттиҳод" ҳужумчиси Карим Бенземанинг адвокати Хьюг Вижье франциялик футболчини "Лион"да кўришни хоҳлашини айтди.
"Агар у "Лион"га қайтса, мен жуда хурсанд бўлардим, лекин у менга ҳали бу каби ҳеч нарса айтмаган. Унинг Франция билан ҳеч қандай муаммоси йўқ. Унинг Франция ҳақида қандай гапираётганини тингланг! Франция унга ҳамма нарсани ўргатди. Унинг ота-онаси Бронанинг марказида яшайди. У Францияни яхши кўради", - деди Хьюг Вижье RMC Sport билан суҳбатда.
Эслатиб ўтамиз, аввалроқ Франция ички ишлар вазири Дарманин Бенземани террорчилик ташкилоти билан алоқадорликда айблагани маълум бўлган эди. Карим 2023 йилнинг ёзида эркин агент сифатида Саудия Арабистонининг “Ал-Иттиҳод” клубига ўтган эди. Футболчининг Саудия клуби билан шартномаси 2026 йилнинг июнь ойи охиригача амал қилади. Transfermarkt порталига кўра, форварднинг тахминий нархи 25 миллион еврони ташкил қилади.
