Ҳозирда "Реал Мадрид"нинг асосий ҳужум юлдузи ҳисобланган ҳужумчи Винисиус Жуниор "қироллик клуби" раҳбариятига таҳдид қилди.

Metro нашрининг хабар беришича, бразилиялик футболчи "ПСЖ" ва Франция терма жамоаси ҳужумчиси Килиан Мбаппе билан шартнома имзолашга қарши. Жуниор француз юлдузининг соясида қолиб кетишдан қўрқади. Агар келишув амалга ошса, Винисиус "Реал"ни тарк этишга ҳаракат қилади.

Бразилиялик футболчига давогарлар орасида Англиянинг "Манчестер Юнайтед" клуби ҳам бор. 23 ёшли ҳужумчининг "Лос-Бланкос" билан шартномаси 2027 йилнинг ўрталарига қадар тузилган. Футболчининг трансфер қиймати 150 миллион еврога баҳоланмоқда.