Мадриднинг "Реал" клуби собиқ ярим ҳимоячиси, ҳозирда "Бетис" клубида ўйнаётган Иско Испания терма жамоаси таркибида 2024 йилги Европа чемпионатига бориш нияти борлигини маълум қилди.
"Терма жамоага қайтиш яхши бўларди. Бу жуда қийин, чунки у ерда энг юқори рақобат бор. Лекин мен ўз олдимга мақсад қўйганман ва унга эришмоқчиман. Яхши ўйнашга ва бор кучимни кўрсатишга ҳаракат қиламан. Умид қиламанки, еврода иштирок этаман", - деди Иско Tribal Football билан суҳбатда.
Испания чемпионатининг жорий мавсумида 31 ёшли ярим ҳимоячи 19 та ўйинда майдонга тушди. Иско учта гол ва учта голли узатмани амалга оширди.
