“Aл-Иттиҳод” ҳужумчиси Карим Бензема “Реал”га қайтмайди.
Ўтган ёзда француз Саудия Aрабистонига кўчиб ўтишга қарор қилиб, "қироллик клуби" базасини тарк этганди.
36 ёшли футболчи энди Европага қайтишни режалаштирмоқда, чунки у Саудия футболи унга мос эмас деб ҳисоблайди. Бироқ, журналист Хосе Феликс Диас таъкидлаганидек, "Реал Мадрид"нинг эшиклари ҳужумчи учун ёпиқ.
Худди шу нарса Мадрид грандининг бошқа собиқ юлдузларига ҳам тегишли. Карим Бензема учун даъвогарлар орасида Aнглиянинг “Манчестер Юнайтед”, “Челси” ва “Aрсенал” клублари бор. Франциялик форварднинг “Aл-Иттиҳод” билан шартномаси 2026 йилгача мўлжалланган.
