Марказий ҳимоячи Жером Боатенг янги клуб излашда давом этмоқда. Немис футболчиси ўтган ёзда "Лион"ни тарк этганидан бери эркин агент бўлиб қолмоқда.
Инсайдер Жанлука ди Марционинг сўзларига кўра, 35 ёшли футболчига A серияда даъвогар бор.
Унга "Салернитана" қизиқиш билдирган. Италия клуби раҳбарияти “Бавария”нинг собиқ марказий ҳимоячиси билан музокараларни бошлаб юборган.
Келишув тақдири яқин кунларда ҳал бўлиши мумкин. Кузда Жером Боатенг "Бавария"га қайтиши мумкин эди, бироқ мюнхенликлардан ҳеч қачон шартнома олмади.
"Салернитана" 20-турдан кейин 12 очко билан A Серия турнир жадвалида охирги ўринда бормоқда.
