"Aтлетико Мадрид" бош мураббийи Диего Симеоне "Реал"га қарши Испания кубоги баҳси олдидан ўз фикрлари билан ўртоқлашди.

“Матрасчилар” яқинда – 10 январь куни Испания Суперкубоги доирасида “Лос-Бланкос” билан учрашишди.

Ўша учрашувда ғалаба Карло Aнчелотти шогирдларига насиб этди (қўшимча вақтдан кейин 5:3). Пайшанба куни жамоалар Қирол кубогининг 1/8 финалида ўзаро баҳс олиб боришади.

"Ўша учрашувда 90 дақиқа яхши ўйнадик, аммо якунда «Реал» ўзини яхши кўрсатди ва муносиб тарзда финалга чиқди ва якунда ғалаба қозонди.

Бугун на уларда, на бизда хатога ўрин йўқ. Биз индивидуал тарзда яхшиланишимиз керак, чунки футбол дуеллардан иборат - уларни тез-тез ютганнинг ўйинда ғалаба қозониш имконияти кўпроқ бўлади", - деди Симеоне матбуот анжуманида.