"Эвертон" ҳужумчиси Арно Данджума яна бир бор клубини ўзгартиришга яқин турибди. Журналист Санти Ауна хабарига кўра, Франциянинг “Лион” клуби 26 ёшли нидерландиялик футболчининг трансферига яқинлашиб қолган.
Данжума ҳозирда Испаниянинг "Вильярреал" клубига тегишли ва "Эвертон"да ижара асосида ўйнаган. Арно жорий мавсумда Шон Дайч жамоасида мунтазам ўйин амалиётига эга эмас. Нидерландиялик футболчи Англия Премьер-лигасининг жорий мавсумида атиги 499 дақиқа ўйнади.
Данжума аллақачон "Лион"га ўтишга рози бўлган. Катта эҳтимол билан, шартнома сотиб олиш имконияти билан мавсум охиригача ижара асосида амалга оширилади.
