"Everton" hujumchisi Arno Dandjuma yana bir bor klubini o‘zgartirishga yaqin turibdi. Jurnalist Santi Auna xabariga ko‘ra, Fransiyaning “Lion” klubi 26 yoshli niderlandiyalik futbolchining transferiga yaqinlashib qolgan.
Danjuma hozirda Ispaniyaning "Vilyarreal" klubiga tegishli va "Everton"da ijara asosida o‘ynagan. Arno joriy mavsumda Shon Daych jamoasida muntazam o‘yin amaliyotiga ega emas. Niderlandiyalik futbolchi Angliya Premyer-ligasining joriy mavsumida atigi 499 daqiqa o‘ynadi.
Danjuma allaqachon "Lion"ga o‘tishga rozi bo‘lgan. Katta ehtimol bilan, shartnoma sotib olish imkoniyati bilan mavsum oxirigacha ijara asosida amalga oshiriladi.
