"Ливерпуль" собиқ сардори Стивен Жеррард "Ал-Иттифоқ" билан янги шартнома шартларини келишиб олди. Эслатиб ўтамиз, инглиз футболчиси жорий мавсум бошланишидан олдин Саудия клуби бош мураббийига айланганди.
Журналист Девид Орнштейннинг ёзишича, Жеррард 2027 йилгача шартнома имзолайди. Англиялик футболчининг клуб билан амалдаги шартномаси 2025 йилнинг ёзида якунига етади. Манбанинг қайд этишича, раҳбарият бундан кейин ҳам мураббийни янги трансферлар билан қўллаб-қувватлашга ваъда берган.
Айни дамда Жеррард бошчилигидаги “Ал-Иттифоқ” Саудия Арабистони чемпионати турнир жадвалида саккизинчи ўринда бормоқда. Жамоа тез орада "Аякс"га ўтишга яқин турган сардори Жордан Хендерсонни йўқотади.
