Ҳиндистон терма жамоаси бош мураббийи Игор Штимац Осиё кубоги 2-тури доирасида бўлиб ўтган Ўзбекистон қарши ўйин (0:3) борасида ўз фикрини билдириб ўтди.
"Қизиқарли ўйин бўлди. Ўзбекистонни табриклайман. Улар яна бир нечта гол уриши мумкин эди. Ўз навбатида биз ҳам тўплар киритишимиз мумкин эди. Биз аҳмоқона хатолар туфайли голлар ўтказиб юбордик. Айни пайтда бизнинг боримиз шу. Бизга бир неча нафар етакчи футболчилар етишмади. Ўйин олдидан биз Лаллиансуале Чхангтени ҳам йўқотдик. Листонда ҳам ҳарорат кўтарилди.
Бугунги ўйиндан сабоқ чиқариб, ўз устимизда ишлашимиз зарур. Биз ўсаётган жамоамиз. Бундай баҳслардан чиқарилган хулоса келажакда бизга асқотади. Олдимизда яна битта ўйин қолди. Кейинги босқичга чиқиш имкониятга эгамиз. Мағлубиятларимизга сабаб бўлаётган кичик хатоларни тўғрилашимиз керак", — деди Штимац.
