"Aстон Вилла" қишки трансферлар вақтида "Мидлсбро" вингери Морган Рожерсни сотиб олмоқчи.
Журналист Фабрицио Романонинг хабар беришича, Бирмингем клуби аллақачон Чемпионшип жамоасига расмий таклиф юборган.
Маълумотларга кўра, 21 ёшли иқтидорли Рожерс "Aстон Вилла" бош мураббийи Унаи Эмери учун ушбу трансфер ойнасининг асосий мақсади бўлиб турибди.
Манбанинг таъкидлашича, футболчининг ўзи ҳам кучли клубга кўтарилишни жуда хоҳлайди. Жорий мавсумда Рожерс барча мусобақаларда 31 та ўйинда қатнашиб, 6 та гол урди ва 8 та голли узатмани амалга оширди.
“Aстон Вилла” ҳозирда 21 турдан кейин 43 очко билан AПЛ турнир жадвалида учинчи ўринда бормоқда.
